Эмиссиявий қимматли қоғозларни чиқариш тўғрисидаги қарорлари ва қимматли қоғозлар чиқарилуви эмиссия рисолаларига ўзгартиришлар киритиш бўйича таклиф

Жамиятнинг эмиссиявий қимматли қоғозларни чиқариш тўғрисидаги қарорлари ва қимматли қоғозлар чиқарилуви эмиссия рисолаларига ўзгартиришлар киритиш бўйича

ТАКЛИФ

2014 йил 6 майда «Акциядорлик жамиятлари ва акциядорларнинг ҳуқуқларини ҳимоя қилиш тўўрисидаги» қонуни янги таҳрирда қабул қилиниши муносабати билан, қонунчиликда бир қатор ўзгартиришлар киритилган. Шулардан бири қонуннинг 23-моддасида “Акцияларнинг номинал қиймати беш минг сўмдан ортиқ бўлиши мумкин эмас”лиги кўрсатилган.

Шу сабабли, соф фойдадан устав фондга йўналтириш учун қолдирилаётган 895 316 070 сўм маблағи устав фондни оширишга йўналтириш вазифасини икки этапда амалга оширилиши акциядоларнинг 2013 йил якунлари бўйича 2014 йил 19 майда бўлиб ўтган умумий йиғилиши қарори билан режалаштирилган.

I. Этапда. Қонуннинг 23-моддаси талабидан келиб чиқиб, акцияларни номинал қийматини камайтириш учун қонунни 39-моддасига асосан жамият акцияларини майдалаш навбатдан ташқари умумий йиғилиш чақирган ҳолда амалга оширилади. ҳозирги кунда жамият акциялари номинал қиймати 8250 сўмни икки баробарга майдалаб, 1 дона акцияларни номинал қийматини 4125 сўм этиб белгилаш кўзда тутилмоқда. Шунда бугунги кундаги жамият акцияларининг жами сони 2713079 донадан 5.426.158 дона акцияга ўзгаради.

II. Этапда. Қонуннинг 18-моддаси талабларидан келиб чиқиб, Кузатув кенгашининг қарори билан бугунги мажлисда Устав фондни ошириш учун қолдирилаётган 895.316.070 сўмни акцияларни номинал қийматини кўпайтириш орқали жамият устав фондини кўпайтириш кўзда тутилмоқда. Бунга кўра 1 дона акциянинг 4125 сўмлик номинал қиймати 165 сўмга кўпайиб, акцияларнинг янги номинал қиймати 4290 сўм бўлади ҳамда жамиятнинг янги устав фонди 23.278.217.820 сўмга етказилади.

Чоп килишE-mail